Rafræn umsókn

Hægt er að leggja eftirfarandi umsóknir inn hjá Einkaleyfastofunni í gegnum vefgátt Evrópsku einkaleyfastofunnar:

  • Landsbundnar einkaleyfisumsóknir (sbr. 8. gr. ell.)
  • Yfirfærðar alþjóðlegar einkaleyfisumsóknir (PCT) (sbr. 31. gr. ell.)
  • Evrópskar einkaleyfisumsóknir (EP/IS) (sbr. 3. mgr. 75. gr. ell.)
  • Beiðni um staðfestingu evrópsks einkaleyfis á Íslandi (sbr. 77. gr. ell.)
  • Beiðni um staðfestingu evrópsks einkaleyfis á Íslandi í breyttri útgáfu (sbr. 77. gr. ell.)
  • Beiðni um birtingu leiðréttrar þýðingar staðfests evrópsks einkaleyfis (sbr. 1. mgr. 86. gr. ell.)
  • Beiðni um bráðabirgðavernd evrópskrar einkaleyfisumsóknar (sbr. 83. gr. ell.)
  • Beiðni um birtingu leiðréttrar þýðingar evrópskrar einkaleyfisumsóknar (sbr. 2. mgr. 86. gr. ell.)
  • Beiðni um takmörkun evrópsks einkaleyfis staðfestu á Íslandi (sbr. 40. gr. a ell.)
  • Alþjóðlegar einkaleyfisumsóknir (PCT/IS) (sbr. 28. gr. ell.)
  • Gögn lögð inn síðar en á umsóknardegi varðandi alþjóðlegar umsóknir (sbr. 28. gr. ell.)

Rafræn móttaka þessara umsókna í gegnum fyrrgreinda vefgátt á einungis við umsóknargögn á umsóknardegi en ekki gögn sem lögð eru inn við meðferð umsóknanna. Slík gögn er hægt að senda á postur@els.is, merkt viðkomandi umsókn, nema þau krefjist undirritunar (framsöl, nytjaleyfi, andmæli o.fl.)

Beiðnir um greiðslur árgjalda má sömuleiðis senda á postur@els.is.

Einkaleyfastofan tekur eftir sem áður við öllum fyrrgreindum umsóknum og gögnum á pappírsformi, fyrir þá sem það kjósa frekar.

Þegar umsækjandi leggur inn rafræna umsókn eða gögn varðandi evrópsks einkaleyfi, berst honum strax staðfesting með umsóknarnúmeri og umsóknardagsetningu.
Séu alþjóðlegar einkaleyfisumsóknir (PCT/IS) og evrópskar einkaleyfisumsóknir (EP/IS) lagðar inn rafrænt, er veittur afsláttur af umsóknargjaldi.

Til þess að leggja inn rafræna umsókn þarf að gera eftirfarandi:

  1. Vera með rafrænt skilríki
  2. Virkja skilríkið hjá Einkaleyfastofunni
  3. Setja upp Online Filing hugbúnaðinn á tölvuna sína

1. Sækja um rafræn skilríki

Rafræn skilríki frá Auðkenni

Á heimasíðu Auðkennis er hægt að sækja um rafræn skilríki á snjallkorti (plastkort í sömu stærð og debetkort með örgjafa). Til þess að kortið virki þarf umsækjandi að setja upp kortalesara og hugbúnað, sjá leiðbeiningar frá Auðkenni. 

Rafræn skilríki frá Evrópsku einkaleyfastofunni

Hægt er að sækja um rafræn skilríki á heimasíðu Evrópsku einkaleyfastofunnar (EPO). Skilríkin sem og kortalesari eru gjaldfrjáls en afhendingartími getur verið allt að mánuður.

Skilríkið, sem er plastkort með örgjörva, er sent umsækjanda á það heimilisfang sem gefið er upp á umsóknareyðublaðinu. Með kortinu fylgir eyðublað til útfyllingar sem skal sent EPO. EPO sendir í kjölfarið PIN númerið sem er notað með kortinu. 

Með kortinu, fylgir kortalesari og Online Filing hugbúnaður á geisladisk (CD-ROM).   Upplýsingar um uppsettningu á rafrænu skilríki og hugbúnaðinum Online Filing, sjá

Rafræn skilríki frá Alþjóðahugverkastofnunni

Hægt er að sækja um rafræn skilríki á heimasíðu Alþjóðahugaverkastofunarinnar (WIPO). Um er að ræða svokölluð vefskilríki sem er mun takmarkaðra skilríki en þau sem EPO og Auðkenni bjóða. 

Þegar umsækjandi óskar eftir vefskilríki þarf hann einungis að veita upplýsingar um nafn og tölvupóst. Umsækjandi fær í kjölfarið upplýsingar um skilríkið í tölvupósti. 

Með rafrænu skilríki frá WIPO er einungis hægt að leggja inn PCT/IS umsóknir.

2. Virkja rafrænt skilríki

Skilríkið skráð hjá Einkaleyfastofunni (EPO og Auðkenni)

Einkaleyfastofan getur einungis móttekið rafræna umsókn ef skilríki frá Auðkenni eða EPO hefur verið skráð og er viðurkennt af tölvukerfi stofnunarinnar. Umsækjandi verður því að skrá skilríkið hér, áður en hægt er að leggja inn rafræna umsókn.

3. Setja upp Online Filing hugbúnaðinn á tölvuna sína

Ef sótt er um snjallkort frá EPO fylgir Online Filing hugbúnaður með, að öðrum kosti þarf að hlaða niður hugbúnaðinum, sjá

Á heimasíðu EPO má finna ítarlegar leiðbeiningar um notkun og virkni Online Filing.